جوال فايرفوكس فعلا الثعلب مكار

نعم لا تستغرب اني قمت بتجربة جهاز ونظام FireFox للجوال وكنت من ضمن اول 2000 شخص يقومون بشراء الجهاز بالرغم من اعتراضي على فايرفوكس كمتصفح فانا ارى انهم يعيشيون احلك ايام حياتهم ولا ادري لاين سيكون مصيرهم.
في حركة مستغربة منهم ولا ادري هل هي من مبدأ “مع الخيل يا شقرا” … قاموا بإصدار نظام تشغيل للجوال وجهاز بالتعاون مع شركة ZTE وتم عرض الجهاز للبيع على ebay الامريكي والبريطاني بكمية محدودة جدا وهي 2000 حبة فقط وسعر لا يتجاوز الـ400 ريال سعودي مع الضرائب وشحنه للسعودية.

قمت بإقتناء الجهاز لسببين: رغبتي بجهاز ثالث اضافي احتياطي وكمان اللون البرتقالي فانا من محبي هذا اللون بشكل كبير.

فعلا وصل الجهاز أمس واليكم العلبة ومحتويات العلبة.

طبعا الجهاز يحتاج شريحة اتصالات عادية مو مايكرو ولا نانو وللاسف ماعندي ولا شريحة كبيرة !!! فكنت ناوي اليوم اروح اصدر شريحة كبيرة.
إستجابة الجهاز لللمس سيء جدا جدا جدا وهذا طبيعي فمتصفح فايرفوكس لايصلح حتى الآن لآي جهاز جوال فما بالك ان يكون نظام تشغيل جوال.
جيت بستخدم الكاميرا عشان اصور قلي لازم تحط ذاكرة SD في الجهاز عشان تقدر تصور !!!

المهم اليوم حطيت الجوال يتشحن في الشاحن الاصلي اللي جا مع الجهاز وبالسلك الاصلي اللي جا مع الجهاز وجيت فكه عشان استخدمه اليكم الصور التالية !!!

زي ما انتم ملاحظين السائل الموجود داخل البطارية بدأ يخرج … طبعا في البداية استغربت من وجود رطوبة داخل الجهاز … فكيته وشفت سائل احمر حسبته عصير توت وبديت اتجنن كيف وصل عصير التوت !!!
دقت السائل وانصدم من الطعم وبعد التدقيق اكتشفت ان السائل بيخرج من البطارية !!!

خلاصة الموضوع
FireFox و ZTE ردولي فلوسي !!!!!!