التواجد داخل قاعة WWDC13

الساعة 10 الليل وصلت الفندق … الحماس شاد حيله معايا ومني قادر انام ليلة المؤتمر ، كيف حيكون الوضع هل راح اصحى بدري ولا ماراح اصحى بدري عشان اقدر اوقف في الطابور.

شراء تذكرة حضور WWDC13 لا يعني أبدا انك راح تدخل القاعة وتلاقي كرسي محجوز لازم تتعب عشان تلحق مكان كويس، الساعة 4 الفجر خلاص انتهى الموضوع لازم اقوم وأروح الحق مكان، اخرج من الفندق الايفون في يدي وشنطة اللاب توب على كتفي.

من اكبر الغلطات اللي ممكن تغلطها في حياتك انك تاخد شنطة من ماركة وفاخرة وتخرج بيها في الليل وتمسك الآيفون عشان تعرف الطريق

لحظات لاتنسى ماشي في الشارع الفجر والوضع مخيف عشان اروح للميترو وكمية المشردين الموجودة في الشارع كبيرة جدا وكمية السكرانين كمان طيبة، شكلي بالشنطة والايفون في اليد عشان الخرائط كاني سائح !!! وهدف سهل، طبعا في هذه الاوقات الواحد دائما يتذكر كل الاذكار اللي يعرفها واللي مايعرفها، وصلت محطة الميترو للجهة المطلوبة واخرج من الميتر وفي اثنين ماشيين ورايا من المشردين، المهم حصلت مجموعة من المبرمجين لابسين جاكت المؤتمر وارمي نفسي عليه وادخل فيهم عرض وامشي معاهم … القوة في الجماعة. لين وصلت مركز المؤتمر الساعة 4:30 الفجر كنت متوقع اني ما الاقي ناس كثير، انصدم في ناس نايمة هناك وفي ناس جايبة خيمة !

قابلت صديقي مصعب بابقي وقفنا في الطابور … كنا نبغى نشتري كراسي بس خلصت.

مع طلوع الشمس بدأ موظفين أبل بتوزيع ماء وقهوة ودونات على الواقفين في الطابور … ياخي شي رهيب لما تلاقي موظفين أبل جالسين يوزعوا الاشياء هذه عليك .

العديد من الشركات حاضرة بتوزع هدايا من اغطية ايفون إلى عصيرات او قهوة او حتى ساندويتشات.

  يبدأ الطابو بالتحرك إستعداد لدخول المركز.  ووصلنا لمنطقة التفتيش داخل القاعة وخلال هذه الاوقات بيطلعو مجموعات مجموعات للدور الثاني.

Image from Tweetbot _ 6_10_13  7_16

بدانا في طابور جديد في الدور الثاني داخل المبنى والمزيد من الإنتظار … طبعا كان في بوفيه صغير يحتوي على قهوة وعصيرات وماء و اشياء بسيطة للفطور.Image from Tweetbot _ 6_10_13  7_23

طبعا المبنى كامل مغطى بالإنترنت وراح تلاحظ شاشات الـiMac موجودة في اغلب الصور توضح كلمات المرور للشبكة والمواعيد القادمة للمحاضرات وبعض الإعلانات.

الصورة التالية توضح حالتي كيف وانا منتهي جدا من التعب.
15910.c519c6c3680dd635a7594e33a0298ec1

بدأ الطابور بالتحرك ودخلنا القاعة وهنا بدا الشعور يضرب فوق كانت من اجمل اللحظات اللي مريت بيها، شعور رائع وجالس افكر اش ممكن يصير هل راح اشهد تاريخ جديد من تاريخ أبل وهل فعلا راح تكون نقطة انطلاقة قوية، مع شعور بالحزن ان الكي نوت ماراح يقدمه ستيف جوبز باي شكل من الاشكال.

16635.37bcb2ff4b24c39694fa27056faadbe3

وبدأ الحماس بمقطع الفيديو

مقطع الفيديو هذا من اجمل مقاطع الفيديو، من أجمل مقاطع الفيديو التي شاهدتها واجمل الإعلانات على الإطلاق، يوضح البساطة والقوة في التفكير.

بعدها بدء الإعلان عن الـOS X الجديد والـiOS جديد والتحفة الفنية الجديدة من أبل الـMac Pro. والتي ساخصص لكل منها تدوينة مختلفة.

سافرد تدوينة مخصصة تحتوي على اهم الامور التي حدثت في المحاضرات وبعض النصائح الهامة للذين يرغبون الحضور العام القادم.