تجربة شراء تذكرة WWDC 13

لايخفى على الكثير رغبة أي محب لأبل حضور أحد مؤتمراتها وخاصة WWDC، فما بالك لو كان مبرمجا وسيستفيد الكثير من حضور خمسة أيام ممتعة ومفيدة في نفس الوقت، يكتسب من خلالها العديد من الصداقات الجديدة وكذلك المزيد من الخبرات البرمجية على يد مخترعي النظام.

رغبتي في حضور مؤتمر كـWWDC كبيرة جدا ومنذ انخراطي في مجال البرمجة للـiPhone/iPad والـMac ازدادت بشكل كبير جدا ولكن لم يكتب لي حضور أحدها مؤخرا. وسأسرد لكم قصة تجربة شراء تذكرة لهذا العام.

اليوم الأول 24 أبريل:

أبل تعلن عن موعد مؤتمر WWDC 13 وعن موعد طرح التذاكر في 25 أبريل.

الراس الكبيرة في تيك يسألني تبغى تروح ؟ جوابي أكيد ؟ خلاص جهز نفسك عشان تروح.

اليوم الثاني 24 أبريل:

الساعة 6 المساء: يوم الخميس سباق للوصول للمنزل، متلخبط وخايف ان موعد بيع التذاكر يكون الساعة 7 ولا الساعة 8. اتسمرت قدام الكمبيوتر وطلبت من زوجتي تجبلي اي شي احتاجه. وكل 5 دقائق اعمل رفريش للصفحة.

الساعة 8 مساءا: بعمل رفريش ماطلعت الصفحة، الساعة 8 و لم تتجاوز الدقيقة الأولى رفريش، زر التسجيل موجود، اضغط عليه.
اكتب اسم المستخدم وكلمة المرور الخاصة بالشركة في حساب المطورين لأبل، اوه #سحقا نسيت كلمة السر.
اشغل 1Password، ادور على كلمة السر، اتذكر اني غيرتها قبل يومين، ارجع لموقع أبل، اسجل دخول، لسه ماطارت، اعبي البيانات بسرعة البرق واكمل الخطوات بسرعة، واضغط زر إرسال.
زوجتي على جهازها تعمل رفريش للصفحة، وتقرا التذاكر Sold out لا مو معقول خلصت !!!
يا هو طيب من هنا من هنا مايصير كده ؟ طيب هل تذكرتي مشيت ولا ما مشيت ؟ اش حيصير مافي شي اتخصم من البطاقة ولا في إيميل تأكيد من أبل اني اشتركت اصلا ؟ معقول التذاكر خلصت قبل ما الحق ؟ مايصير ياهو.
طب دور تاني طب شي. واستمريت من الساعة 8 كل شويا ادخل على ايميلي واشوف اش صار هل مشيت ولحقت تذكرة ولا مالحقت تذكرة.

اليوم الثالث الجمعة 26 أبريل:

صحيت لصلاة الجمعة وخلاص بطلت اشيك على الأيميل كل شويا وقلت اذا مشيت اكيد حعرف إما من البطاقة وإما من إيميل يجي من أبل، بس نفسي اعرف هل انا فعلا لحقت تذكرة ولا مالحقت 🙁 .

الساعة 5 العصر: يجيني إيميل Your order is being processed الفرحة بدات تتشقق مني ولكن لسه مافي اي مبلغ اتسحب من البطاقة ومافي إيميل بخصوص التذكرة أو الحضور.

الساعة 7 المغرب: يجيني إيميل Your Apple invoice يا سلام اخيرا، ومعاها رسالة على الجوال ان المبلغ اتخصم. بس لسه مافي تذكرة.

الساعة 9 العشاء: جوالي تفصل البطارية #سحقا المهم رجعت البيت الساعة 1 تقريبا، حطيت الجوال في الشاحن ونمت.

اليوم الرابع 27 أبريل.

الساعة 8 الصباح باشوف الإيميلات من ضمنها إيميل Activate your WWDC 2013 ticket.

الساعة 9:17 Your ticket to WWDC 2013 is activated.

بإذن الله تعالى سأكون متواجد لتغطية مؤتمر مطوري أبل WWDC13 وبإمكانكم متابعة مدونتي أو سعودي ماك لمتابعة المواضيع التي سأقوم بتغطيتها عن المؤتمر.

وكذلك حسابي في Twitter




One Reply to “تجربة شراء تذكرة WWDC 13”

Comments are closed.