اكثر من 23 جوال خلال سبعة سنين

ردا على جميع التعليقات في موضعي iPhone SDK .

لازلت اذكر اول تعامل مع الجوال في اول مرة اقتنيت الجوال بها ، ولازلت اذكر اول جوال استخدمه ، ولا زلت اذكر كيف كنت اقوم بتغيير الجوالات بحثا عن جوال !

في الحقيقة ، اقتنيت اخر جوال وكنت اقنع نفسي بانه افضل جوال من الممكن ان يقتنيه المرء ! ولكن في قرارة نفسي كنت مقتنع ان سبب انتقائي له ، هو انني مجبر على استخدام هذه الانواع من الجوالات .

اغلب التعليقات في موضوعي السابق او اغلب مايقوم الناس بعيب الـiPhone به ، هي امور تدل على قصر علاقتهم بالجوال وتدل على على عدم معرفة تامة بما يحصل امامهم .

البعض يقول بان الـiPhone سعره غالي !

ردي عليه ، قارن سعره بالجوالات الاخرى !

N95 مثلا او Soney Ercissons P990 او الكوميونكيتر مثلا !

قارن سعره بالـPocket PC ستجد ان الـiPhone افضل منهم سعرا … وان لم يكن افضل فانه يقاربهم ولا يعلوهم بذلك الشكل المفجع ! لذلك اين السعر المرتفع !!!!!

انا اعلم ان البعض لا يمكنه ان يدفع هذا المبلغ في جوال اصلا ، لذلك هو يبحث عن جوالات بسعر منخفض ، لكن بالنظر اليها ، والإمعان بكل حق وصراحة ! هل تعد ذلك النوع من الجوالات ، جوالات ذكية ! او هل تعد ذلك النوع غير انه مخصص للاتصال والاستقبال !

“بلاش نضحك على بعض ونتكلم بواقعية هل فيها شيء مميز هذه الجوالات بالسعر المنخفض غير انها تستقبل وترسل”

ستكون إجابة البعض ان هذا ما ابحث عنه في الجوال ! لذلك جوابي له ! اذا لا تنتقد الـ iPhone

“نقطة اخرى ، ونكون فيها واقعيين ، هل استخدام هذا النوع من الجوالات سهل !!!!! “

الان النقطة الثانية !

صراحة هذه النقطة عجيبة … فيها العجب بشكل مو طبيعي !

الـiPhone حجمه كبير !!!!!

“اش يعيب العنب ، انه حامض “

بالنظر الى حجم الـiPhone ومقارنته مع الجوالات الصغيرة ، ما راح تلاقي فرق كبير ، انا مابتكلم عن جوالات دق واتصل وارخي ! انا بتكلم عن الجوالات من نفس الفئة ، من فين الـiPhone حجمه كبير !!!!!

نجي للنقطة الثالثة !

الـMMS !

بصراحة ، انا اعتبر الـMMS اكبر عملية نصب شهدناها ، اعتقد ان الكثير منكم يعرف سكة القطار الي اتباعت في مصر على احد المساكين ، في الواقع ، انا اعتبر المعجبين بهذه الخدمة ضحية اكبر من المسكين الي راح عملية النصب في عملية بيع سكة القطار الحديد !

اول شي ، بغض النظر عما اذا كانت Apple ستدعم الـMMS لكن ، انا اعتبر هذه الخطوة خطوة متاخرة من Apple !

لكن مين يدري قد تتم مع الضغط .

الـMMS في حقيقة الامر ماهو الا عبارة عن Email ! لكن يصل الى الجوال ! الجوالات التي تدعم MMS يجب ان تدعم ظهور المواقع يعني يجب ان يكون فيها متصفح حتى لو لم يظهر لك !

في الدول المتقدمة ، بامكانك ارسال Email من جهاز كمبيوترك ، ليصل للطرف الثاني على انه MMS !

لكن في الدول المتاخرة الي خايفة تفك منفذ 5190 راح تحصل الخدمة هذه مغلفة ! كيف لو كنت في امريكا بامكانك من جهاز الكمبيوتر ترسل ايميل على رقم الجوال @ عنوان مقدم الخدمة ، وراح توصل الرسالة !

بالنظر والمقارنة بين خدمة الـMMS و خدمة الـEmail !

مين افضل !!!! هل اني ارسل رسالة محدودة الـkb ولا اني ارسل بكيفي !

هل من المعقول اني اتحمل قيمة رسالة كاملة MMS حتى لو كانت اقل من الحد !

الـiPhone في اغلب الدول الموجود بها بشكل رسمي ، راح تلاحظ انه بيعطيك Data مرة كبيرة عشان تستخدمها في الانترنت وفوق كده فيه WiFi ، الان ، حسب نظرية التطور ! هل اكون غبي وادعم شي قديم ! زي الـMMS وجد في فترة من الفترات كانت فيه خطط الانترنت سيئة على الجوال وبطيئة والشبكة معدومة ! ولا الاصح اني اروح للشيء المتطور واروح للـEmail !

“فكر بالموضوع بعقلية ، لا تفكر في الموضوع على انه محاباة لـApple ! ، انا عمري ماستخدمت الـMMS لاني حسيت انها تخلف ، ولما كانت توصلني MMS كنت اروح افكها عن طريق المتصفح واشوفها “

نجي للنقطة التالية !

يظل الـiPhone مافيه 3G !

قبل ما ننفعل ونتضارب ونخش في قتال !

الان انت بتدور على ايش بالزبط في الـ3G !

هل بتبحث عن الاتصال المرئى !

ولا بتبحث عن سرعة الانترنت !

ولابتدور عن الخصائص الثانية الموجودة في الـ3G الي مايعرفها الناس اصلا !

اذا كنت بتدور عن الاتصال المرئي ، فانا معاك ، انه هذا عيب في الـiPhone !

لكن اذا كنت بتدور عن الـ3G عشان سرعة الانترنت !

وكنت في العالم العربي مثلا ! “الله يخليك روح العب بعيد ولاتحاول تقنعني باي شكل من الاشكال ، ان في وحدة شركة بس بتقدم خدمة 3G بالشكل والسرعة الصحيحة ! وخلينا على المكشوف وبلاش اتكلم اكثر من كده “

اما الخصائص الثانية ، فهي لاحقة في باديء الامر ماسبق 🙂

النقطة التالية :

الـGBS

انا ما راح اختلف فيها كثير والسبب لاني عارف العالم العربي كيف الـWiFi فيه وعارف كيف الانترنت عن طريق الجوال فيه …

عارف التخلف الي نحن عايشين فيه ، عشان كده ، نحن دايما نحب نرجع لورا 🙂 ونحب نستخدم التقنيات القديمة في تحديد المواقع بدل التقنيات الحديثة ، لكن من الجميل ان تتم اضافة الخدمة فيه يسير حتى الواحد راح منطقة خلا مافيها جوال ولا اي شي ، انه يتم انقاذه عن طريق الاقمار الصناعية ، ماراح اجادل في النقطة هذه كثير … وانا احد الي يعتبروها عيب ، لكن وجود قطعة تركب عليه اضافية تسهل العملية ، امر رائع وهذا القطعة موجودة .

النقطة التالية :

كاميرا زي الناس ، يعني حسب تجارب كاميرا الـiPhone جابت نتائج مرة حلوة مقارنة بكاميرات ثانية كثير ، فليش الهجوم الشديد عليها ، صحيح ان الكاميرا سيئة جدا جدا جدا في الظلام ، لكنها رائعة في النهار والإضائة ، قد يعيبها عدم تصوير الفيديو لكن الـSDK راح يحل المشكلة هذه ، طبعا ، انا معاكم في موضوع انها 2MP سيء ، ولازم تتطور ، لذلك كمان دي النقطة ماراح اناقش فيها كثير ، يمكن لاني مشتري كاميرا خارجة 10 MP ومو عاجبني ان الكاميرات في الجوال الصلا 5 وفوق كده ، كلام فاضي وضحك على الدقون موضوع الكاميرا في الجوال … ولا فيها خصائص عدلة زي الكاميرا العادية ، لكن مايمنع ان الواحد يبغى كاميرا عدلة في جواله عشان الاوقات الحرجة …

النقطة التالية :

الـبلوتوث !

بالله ياجماعة الخير ، بعد الي وراني هوه ثامر في الـiPhone من اشياء موجودة في البلوتوث ، بالله كده … اي واحد يجي يقلي الـiPhone مايرسل ويستقبل راح اقله روووووح العب بعيد بالله 🙂

المهم جدا في موضوع الـBT ان اغلب الناس ، تمشي وهي مقفلاه عشانها تخاف 🙂 واغلب الناس الثانية تمشي وهي حاطة برامج حماية على جوالاتها عشان بتخاف برضه !

في نقطة في Apple انها بتحارب القرصنة ! وبتحارب تبادل الملفات الصوتية وملفات الفيديو عن طريق التبادل والاشياء هذه ، بتحاول تخلي الناس تنظف ، لذلك قد تكون احد الاسباب ، وقد يكون السبب ان لسه Apple جالسة تحمي الجوال زيادة وبتفكها بعدين !

النقطة التالية :

العربية ، باختصار الجوال لسه جديد لكن خلونا نتكلم بواقعية ، اغلب جوالات الشركات الثانية ، حسب علمي ، لما تنزل في دول تنزل بلغات ولما تنزل في دول ثانية تنزل بلغات ثانية ! وفلم وحوسة ، الـiPhone راح ينزل في العالم كله بنفس الطريقة ، البعض يقول ان Apple مش مهتمة بالسوق العربي ! في الواقع ، راح ارد بكلمة واحدة ، اذا انت مجرد مستخدم عادي ، ومالك اتصال بالشركة او مالك علم ودراية بتاريخ Apple والامور هذه ، فلو سمحت ، لا تقول ان Apple مش مهتمة بالسوق العربي !

الان ، انا رديت على اغلب الاسئلة ،

لكن ماجاوبت ليش انا مهتم بالـiPhone وليش اعشق الجوال هذا ، وليش شايف انه ممكن يخرج الكبار برى اللعبة وليش لازم الكبار يتبعوا نهجه !

المدافعين عن الجوالات الثانية ، اليكم ما اراه !

بالرغم من الـiPhone غير موجود في العالم العربي ويحتاج الى برامج لفكه عند وجود تحديث جديد ، الا انه من الممكن ان تقوم بعملية التحديث !

“الشركات الثانية . لما تنزل جهاز بتنزل عليه نظام ، بعدها بفترة تلاقيها نزلت جهاز ثاني مطور ، اش فيه الجهاز المطور هذا !!!! ابدا فيه كم ميزة زيادة عن الجهاز السابق ، هل هي في القطع ، لا بس لون او ماشابه وفي الغالب العملية عملية تحديث للنظام الموجود فيه “

قمة النصب ، انا اتذكر كيف كنت انقهر مع نوكيا ، ينزلوا جوال ، وبعدها بفترة مرة بسيطة جوال ثاني ، اش الفرق ، النظام !

سيبك من هذه النقطة ، اشتريت جوال ونزل تحديث لنفس الجوال ، كيف راح تسوي التحديث !

“اتحدى اذا ماكانت الغالبية بتروح وتحدثها في نفس الشركة ، نظرا للمشاكل الي راح تسير والي راح تسير بشكل مش معقول !!!!! “

الـiPhone بكل بساطة ، لحد اليوم هذا ونحن منى عارفين اش الجهاز يقدر يسوي وكل يوم بنشوف Apple تسوي تحديث جديد ، التحديث الجديد ، بيكشف عن اشياء ماكنا متوقعينها !

هل احد كان ممكن يصدق ان الـiPhone فيه نفس فكرة الـWii في اللعب !!!!!!!!!!

العملية كلها كانت راح تعمل ابديت لجهازك ، ماقالت Apple ارمي جوالك في الزبالة وتعال اشتري واحد جديد !!!!!

Apple منزلة نوع واحد من الـiPhone ، قد تنزل موديل ثاني ، لكن تمتاز انه ماعندها مية نوع من الجوالات وكل نوع يختلف عن النوع الثاني بخاصية واحدة او اثنين !

تركنا موضوع التقنية الحديثة في الـiPhone كلها ، وتركنا موضوع الـSafari و موضوع Mail وسرنا نتلكم لا لا لا ، جوال غبي مايقلب الكيبورد بالعرض !!!!

“—- ، عشان الجوال مايقلب الكيبورد بالعرض خلاص سار كخة !!!!! “”

الموضوع طال جدا ، لذلك اعتقد اني لازم اكتب البقية في موضوع اخر في وقت اخر ….

وراح اكتفي بهذا القدر اليوم ….

17 Replies to “اكثر من 23 جوال خلال سبعة سنين”

  1. السلام عليكم،

    الـiPhone مع إحترامي فاشل حالياً.

    لا تحاول تقنع نفسك بعدما أكلت مقلب بالـiPhone

    لا يوجد عربي (أغلب راسئلنا من الأقارب و الغرب و الشركات بالعربي، المواقع الي نستعملها عربية)

    لايوجد جيل ثالث (كما قلت الإتصال المرئي فقط و باقي الخدمات لا جدوى منها

    كاميرا متواضعة (2 ميغا بيكسل بينما السوني و النوكيا و السامسونغ و ال جي وصلو 5 و حتى 7.2 ميغا) (عدم امكانية تصوير فيديو !!!!!! )

    بلوتوث (اسوأ ما يمكن، لا تقنع نفسك بمحاربة القرصة و هذا الحكي و أنا متأكد 100% أنك بالجوال الثاني او القديم كنت من أكثر الناس اللي ترسل و تستقبل بينها و بين اصدقائها اغاني و فيديو و صور — لا تقول حماية لأن نظام ماك الكمبيوتر ما ينزل عليه فايروسات تروح تنزل عالموبايل ؟؟؟؟ )

    انا من محبي ابل و املك الكثير من منتجاتها لكن الأيفون (حـــــــــالــــــــــيـــــــاً) فاشل و أتمنى إصدار جهاز جديد منه أقوى في الهاردوير لان لاخوف على السوفتوير طول ما ستيف جوبس موجود 😉

  2. انا طبعا . ماراح ارد على اي من التعليقات الان ،

    لكن راح ارد على نقطة وحدة فقط من كلام malaikah

    ٍآقتباس “”””””
    شوف مثلا الأختلاف الهائل في سعر I-PHONE أول ما نزل 5000 وبعدها بكم شهر صار ينباع في بنده ب 2000 شوف الفرق!! “””””””

    1- الـiPhone من يوم مانزل للبيع في الدول المسموح بيها نزل بسعر لايتجاوز 2500 ريال .
    2- المحلات الي باعت بسعر 5000 هي المحلات الي نصبت على الناس مش Apple .
    3- Apple ماعملت ولا دعاية للـiPhone خارج الدول الموجودة بها .
    4- معليش على الكلمة دي راح توجع ، شويا ، الي سار مو غش ، الي سار ان المحلات هنا في السعودية نصبت عليكم .
    5- الـiPhone مانزل رسمي في المنطقة لسه .

  3. والله أنا أتفق مع الأخ عبد الله … يا أخي Apple من جد قاهريني يعني عيب عليهم … فيه شركة بحجمها وتاريخها ما تقدر تعمل FORWARD في مكنتجاتها و لا حتى تدعم العربيه ولا ولا …. اللسته تطول
    لا وينزلوا جوال وهيلمه قبل لا ينزل وفي الاخر جوال ينقص البديهيات في أي جوال .. ويقولوا حرام الشركة تنزل تحديث.. أنا برأيي هذا نوع من النصب على الUSERS شوف مثلا الأختلاف الهائل في سعر I-PHONE أول ما نزل 5000 وبعدها بكم شهر صار ينباع في بنده ب 2000 شوف الفرق!! لا وكل واحد ينصب بكيفه .. ناس كثير أنغشوا في الi-phone وأنا وحدة منهم أبدا ما أتخيلت انوا كذه مو على قد الadds اللي سووها عنه.. وأشتريه وأنقهر وأستنى متي يتعطفوا وينزلوا تحديث وأقول يارب اللي أبغاه يصير … بينما أشتري جوال فيه اللي أنا أبغاة وخلصنا وخصوصا ان هذي الأيام في شركات قامت تقلد i-phone يعني أشتري واحد كامل مكمل ولا أجلس على حسنه المحسنين

    ما أدري ليييييييه APPLE بتتغابى. الان العرب عاملين كراك وسالفة عشان العربي .. يعنى مهم دارين!!
    يا جماعة أنا نفسي أقتنع بأي منتج من منتجات الAPPLE ودي أشتري بس بصراحة ما أحب الهبل اللي يعملي هوه المنتج الأبلي 🙂 وخصوصا في الLIMITATIONS
    صدق اللي قال ان apple عندها customers مخلصييييين مررة وما حد عارف ليه 🙂

  4. محد يقدر يحكم على منتج معين ويتعصب له ويتساهل في عيوبه!
    الشي اللي انت تشوفه مو لازم أو ما تحتاجه غيرك يحتاجه يا ملياني..
    يعني مثلا..
    الكاميرا انا احتاجها كتير خاصة لما اخرج مع اولادي أحب مثلا أصورهم سواء فيديو او تصوير عادي.. طيب لو الكاميرا ما تدعم التصوير في الظلام فهذا يعتبر عيب لأني في دي الحالة ما اقدر اصور مثلا لقطات قصيرة من عشوة باربكيو مفاجئة!
    ما فيها بلوتوث.. طيب انا هنا مثلا احتاج البلوتوث كثير.. أقلها في تبادل الفيديو والصور بيني وبين زوجي..
    افرض مثلا كنا في رحلة وما شلنا معانا اللابتوب ويبغى نسخة مثلا من الصور اللي صورت البزورة بيها.. معناته لازم أرسلها MMٍ وهدا كمان الآيفون…….

    كل حاجة لها ميزاتها وعيوبها وهدا حسب استعمال كل زبون للمنتج.. ومو معناته اني اللي أحتاجه في جوالي مو موجود في الأيفون انه (كخة) .. لا.. يمكن غيري شايفه توب لأنه ملبي له كل متطلباته كـ(جوال)..

  5. محمد يعطيك العافية
    اولاً وقبل اي شئ احب ان اقول باني قبل الايفون كنت استخدم جوال كل شهر بلا اي مبالغة قد يكون السبب عدم اقتناعي بما تقدمة الشركات الاخرى او عدم اقتناعي بطريقة ما تقدمه تلك الشركات لي..

    شئ اخر لا بد ان لا نغفل عنه وهو اختلاف احتياجات كل شخص عن الاخر (لولا اختلاف الاذواق لبارت السلع)

    وقبل ان ادخل في التفاصيل اريد التذكير بان (الاختلاف في الرأي لايفسد للود قضية)

    الان بالنسبة للسعر لا نستطيع المقارنه فسعر الايفون هو سعر يتطلب عقد مدته سنتين بكل تكاليفها والارتباط الالزامي مع الشركة دون غيرها..
    اما بقية الاجهزة فسعرها لا يطلب دفع اي رسوم اضافية لاي جهة اخرى..
    اذا فسعر الايفون مدعوم لتشترك بهذة الشركة او تلك..
    من هنا فان مقارنة السعر غير عادلة الا ان كنا سنقارن بين سعر الجهاز كما اعلن عن بيعة “مفتوح” في المانيا او فرنسا لا اذكر بالتحديد..

    بالنسبة للحجم فانا اتفق معك ١٠٠٪ بان حجمه مناسب ولو كان اصغر لما استفدنا من امكانياته وهنا استغرب معك ممن يعيبون حجمه ان كانوا لا يريدون ميزاته
    باختصار ان كنت لا ترغب الاستفادة من ميزات الجهاز فلا داعي ان تحمل جهاز شاشته ٣ انش تقريباً لترى فيها اسم المتصل بخط اكبر!!

    الـ MMS
    اختلف معك بشده اخوي محمد بغض النظر عما ذهبت اليه في كون ان فكرة الـ MMS نصبة او سرقة..الخ
    ولن اتحدث عن ان كنت استخدم الـ MMS بكثره او لا
    ولكن هل تعلم كم رسالة MMS ترسل يومياً بين مستخدمي الجوالات؟؟
    في نظري هذا هو المعيار الحقيقي لنجاح الخدمة ليس هنا فحسب بل حتى خارج منطقتنا
    الخدمة قائمة على امرين الاول سهولة ارسال رسالة ملتيميديا بسهولة ارسال رسالة قصيرة < جوال لجوال
    والثاني هي عدم الحاجة لاعداد حساب الايميل في جوالك للاستخدامات البسيطة << لا ننسى بان غالبية مستخدمي الجوالات لا يستخدمون ايميلاتهم في الجوال
    اذاً لماذا انعزل عن تقنية قد تراها نصبه او سرقة بسبب ان Apple غير مقتنعة فيها ان كانت غير مقتنعه ولم تسقط سهواً

    موضوع الـ 3G
    استغربت رأيك فيه بشده انا كمستخدم نهائي اطلب كل جديد وشركة ابل ملزومه ان ارادت زيادة مبيعاتها ان تسبق غيرها وهذا هو مسارها في اجهزة الكمبيوتر لكن في تلك النقطة!!
    رغم اختلافي معك في كون ان شبكة الـ 3G سيئة لدينا “اراها جداً ممتازة لكنها لم تصل لما يعلن عنه 7.2Mb”
    دعني اسألك هل كنت سترضى لو كانت شركة ابل جعلت اجهزتها المكتبيه لا تدعم سوى الدايل اب؟؟ هل كنت ستقول لما لا فشركاتنا في العالم العربي تكذب فيما تقدمه والسرعات لدينا بطيئة؟؟
    بالمناسبة خدمة الجيل الثالث ستؤثر على جودة الصوت وستفتح مجال لاستخدام الجوال بشكل افضل لاستحضار ايميلاتك بوقت اسرع والتصفح اسرع بالطبع وتنزيل رسائل الـ MMS بوقت اسرع هذا غير الخدمات المضافه الممكن الاستفادة منها..
    على كلِ المبررات التي ساقتها الشركة قد تكون مقنعة بعد الوعود باصدار جهاز يدعم الجيل الثالث مستقبلاً

    الـ GPS لن استطيع المناقشة فيه لاني لم احتاجه في يوم

    اما الكاميرا في نظري انه يعيبها عدم تصوير الفيديو “بدعم من ابل نفسها”

    اما موضوع البلوتوث شأنه شأن الـ GPS لا يهمني فلن استطيع مناقشتك فيه،،

    بالنسبة للغة العربية انا لا الوم الشركة اطلااااااااقاً فالجهاز لم ينزل في دولة عربية بعد حتى تلام الشركة..
    كأننا نشتري سيارة صنعت خصيصاً لبريطانيا “المقود على اليمين” ثم نلوم الشركة بانها لا تهتم بانظمتنا وسوقنا..

    اظافة اخيره تزعجني كثيرااااً في الايفون هي الـ Copy & Paste !!

    لكن رغم تحفظي على خلو الجهاز من بعض المزايا التي ذكرتها لكني لم استطع التخلي عن الايفون
    استخدمت اريكسون ثم انجرفت خلف النوكيا ثم انخدعت في موتورولا وكان رجائي ان يعوضني سوني اريكسون لاصحي اخيراً على الايفون “واعشقة بعيوبه”

    في نظري ان الجهاز في تحديثه القادم في JUN بنسخة 2.0 سيغير سياسات الشركات الاخرى
    وفي نسخه الجهاز الجديدة iPhone 2 ان صحت التسمية اتوقع ان يكون هو الاول في “فئته” دون منازع

    امر اخير طرأ علي..
    جهاز لم ينزل سوى في مناطق محدودة من العالم ويثير ضجة في كل انحاء العالم الا يستحق الاعجاب؟؟

    شكراً اخوي مره اخرى واسف على طول الرد
    سلام

  6. احسن ميزه في الاي فون من بعد ماشريته ماصرت انط من محل الى محل ادور على جوال جديد وغيير كل ثلاثه او اربع شهور

    ولا ادخل محلات الجوالات نهائياً ولا حتى مواقع الجوالات

    اكثر من اربع اشهور استخدام ولا مليت منه كل يوم فيه شي جديد

    انا اكثر واحد في العالم يشتري جوالات اكثر من ٥٧ جوال في ٦سنوات واذا بعتة اخسر ٣٠ الى ٤٠ ٪ في كل جوال بس الحمد لله بعد الاي فون مافيه خسائر

  7. على انه كلامك فيه تعصب كثير، لكن اشوفه منطقي .
    لكن النواقص في الايفون ابدا ما تغتفر ” للشعب العربي ”
    وما زلت اقول ، الجهاز لم يتم اصداره للشعب العربي !!
    الجهاز فقط و حصري للمناطق اللي تم عقد صفقات مع ابل . فقط !
    فلا تلومون بل بعدم دعمها العربيه ، لانه الايفون خارج نطاق تغطية العالم العربي

  8. شئ رائع أخ عبد الله .. كلامك فية شي من المنطق

    ولكن. احتياجات كل شخص مختلفة عن الاخر يعني انت تحتاج تتش اسكرين ولا تحتاج متصفح جيد سهل التصفح ولا تحتاج مشغل موسيقى وفيديو وصور رائع ولا .. الاشياء المميزة في الاي فون
    كلها إحتياجات منا من يختارها ومنا من يريدها وليس كل شي كامل حتي لو نوكيا e90

    معلومة مهمة احب انبه عنها في عالم الاتصلات المحمولة هناك عصرين
    ماقبل الايفون . و مابعد الايفون ومن هنا سيترخ تاريخ الجولات 🙂

    انضر بعد الاي فون الشركات كلها اش حصلها اتهبلت كلها حابة تسوي جوال مثل الايفون

    يا جماعة الي يخلي سوني اريكسون بجلالتها بعد ما اشرت UIQ لتنفرد بها تعمل جوال وندوز موبايل !!!!!!!!!!!!!؟؟؟؟؟؟؟؟؟؟؟؟؟

    السبب هو العبقري المميز الأول المتفرد الوهمي الأيفون (خايفييييييييييييين منه)

    UIQ من اعظم انظمة التشغيل الي شوفتها في حياتي هذي حقيقة بس قبل الاي فون 🙂 وكان لا يدعم العربي في البدايات وكنا نتحايل علية ببرامج بس بعد المبيعات لل p900 في الشرق الاوسط عربوه

    نصيحة خليك مع نوكيا الي فية عربي وبلوتوث جميل ودعنا نعشق الافون برحتنا

  9. هلا ملياني ،،، حبيبي ،
    ،افهمني

    أنا لما أقول أنها غير مهتمة بالسوق العربي ،، مالي علم بالشركة ودواخلها ،، لكن للأسباب التالية :
    ١-الايفون ما يدعمه حتى الان ،،وما نزلو إعلان واحد رسمي يبين اهتمامهم بالسوق العربية ومتى ينزل وإيش مواصفته ،، كان على الأقل موعد صدور ،، بدل ما نحس أننا ملحطين ،، أو حتى ملحقين بالسوق الأوروبي على أحسن تقدير ،،

    أنا مجرد مستخدم عادي متواضع ،،لكنك تقول أنهم مهتمين ،، ويييييييين اهتمامهم ؟
    البرامج الرسمية مثل pages و keynote تضحك لما تكتب عربي جرب تسوي تأثيرات للنص،،، لام أستخدم برامج أقل جودة !
    جيب برامج من السما ،،هم مالهم دخل try mellel ,bean,neooffice ,عندي في الماك ٤ برامج تحرير للنصوص ولا واحد محترم مثل pages أو word

    نجي للpresentation
    ما أقدر أسوي عرض واحد زي الناس بالعربي للناس ! تخيل ،، لازم أحط الفيستا ،،وأبدا من جديد ،، هذا اهتمام

    معلش ،،، هم مشغولين بالخط الأحمر ،،ودعم المصابين بالإيدز ،،
    ؟
    أكاد أجزم ٢٠٠٪ أن المسألة بسييييطة ،،و
    حلها بسيط جدا ،،لكنهم لأننا على اخر اللائحة لم يوجدواا حلا للمشكلة ،،

    ٢-الاي تونز ما يعترف أصلا ،، بالسعوديين ،،ولازم أفتح حساب بطريقة معقدة
    ،،
    وهذا دليل على التميز ،

    طيب باروح آلعب بعيد بس فيه شغلة :

    النقطة الثانية ،، 3g
    الحقيقة أنني حولت إلى موبايلي ،، وصاير استخدم الانترنت فترات طويلة عبره ،، متمتعا بسرعة أعلى من dsl وهو عندنا في البيت ١ ميجا ،،
    وقاعد على نوكيا ثe90 ،،، حتى أنني في مرات كثيرة كتبت وحدثت موقعي عبر هذا الجوال ،، تقدر تسويها بالايفون ؟
    عفوا الكيبورد ما تكتب العرض ،،يعني يصير شكلك كأنك معوق وأنت تحاول تكتب مقال .. تبغى ترسله للمدونة ؟ انتظر الشبكة ،،ولا روح دور أقرب مقهى فيه لاسلكي ،،
    فرق السرعة واضح ولا جدال بين تقنية edge المنقرضة والجيل الثالث العالي السرعة ،،،

    3g لأنها مو في الايفون ،،صارت غير مهمة 🙂

    وبرضه سبب اخر ،،لأننا في العالم العربي ،،واللي هو متخلف ،، وشركات الجوال ما تقدم خدمات جيدة ،،>>> عشان كذا الجيل الثالث ما له داعي >> الايفون كويس عشان ما فيه جيل ثالث 🙂

    ملياني ،، لو ردوا عليك برسالة محترمة تبين متى وأين وكيف ،، دافع عنهم ولا أحد يلومك ،،

    دعم العربي ،، غير مهم ؟ الرسائل ؟ لازم نتعود نتعامل بلغة أرقى 🙂
    الكونتاكت ؟الاي تونز ؟ الاي بود ؟ لازم تغير عناوين كل الملفات ،،والعناوين،،وحتى ملفات الصوت ،،عشان تقدر تقراها ،، ولا ركب تعريب معاق ،،مقطع ،،يخلي الجوال يعلق ،،

    لو خرب عليك إيش تسوي ؟ عفوا ،،اسف جوالات ابل لا يعتريها المشاكل ولا أي شي ،،لا تتلف أبدا ! مو، مثل النوكيا الخايسة ،، اللي ما فيها تميز ،،:)
    وديه لاي تيكيا ،، عشان يشفطون دمك ،،

    نعود للتعريب ،،
    الجوال لسه جديد ؟ كم يحتاجون من الزمن عشان يستوعبون ؟ أقولك الكاتييييل وهي آخيس شركة جوال ما ينزلون ،،إلا وهو معرب ،،بسيطة، إلخ ،،

    عفوا ،،الايفون ما نزل لسه ،،قاعدين نتكلم عن شي هلامي 🙂

    النقطة الأخيرة : وقالها ،،صطيف ” أحب التميز ”
    هذه مربط الفرس ،، اصبر لما يصير الايفون عند جدي ،، تحس بالتميز من جد :
    )
    اخواننا عندهم هذي العقدة:
    تقولهم :ما فيه بلوتوث ،،يقولك تميز ،، وما أحتاجه >>ولو كان موجود كان هو أول من استخدمه وتبادل أنواع البيانات ،،
    ما فيه جي بي اس : ما أحتاجه ،،أنا أصلا ما أطلع البر ولا أضيع ،،ولا أسافر ،،ولا …
    ما فيه عربي ،،يا أخي طفشتنا ،، روح المحل الفلاني ويركب لك عربي ،،لكن الحروف مقطعة واحمد ربك
    !

    تحياتي لك ملياني ،ولجهودك ،،،
    معلش ترى أبل قاهريني ،،

    سلام

  10. فيه نقطة مهمة ذكرتها وودي تتكلم عنها بالتفصيل لو سمحت

    دعم اللغة العربية… أنت قلت عموميات يا ليت توضح أكثر…

    و كمان انا في جدة من فين اقدر اشتري و اعربو و انزل التحديث؟!!>>>> و هل حيكون مفكوك الشفرة ولا لا؟!

    و اذا نزلت التحديث ما يسير للجوال شي << لأني اعرف واحد عندو ايفون و لمن نزل التحديث الجوال قفل ولا انفك

    و شكرا ^_^

  11. أهلين أخوي محمد

    فيه نقطة مهمة ذكرتها وودي تتكلم عنها بالتفصيل لو سمحت 🙂

    دعم اللغة العربية… أنت قلت عموميات يا ليت توضح أكثر…

  12. اوبااااااااااااااااااا محمد انت متعصب مررررررررررررررررررررره

    النقد هذا الي تسمعة عن الايفون شئ وارد وطبيعي جدا وهذا من نجاحة تتذكر عنما اعلن عن الاي فون كلة قال انة بيفشل ولن يباع غير عشرين الف قطعة فقط وغالي وسبو فية والان باع 4 مليون ولسة ما فات علية سنة … ولم نزل طلعو فية كل العيوب الممكنة والغير ممكنة… الناس هذول صعب عليهم الايفون تفكيرهم محدود

    اول ما نزل الايفون تحمستلة بس لم اجازف بشرائة لانة اول اصدرا وطبيعي جدا اي منتج جديد يكون فية مشاكل … بس بعد نزول الاصدارات وأخر التعديلات والناس -الي بتفهم -ودعمهم له تشجعت جدا وكل يوم الاي فون يثب لي انه عبقري

    لا تعصب نفسك

  13. كلامك ١٠٠٪ مقنع، واحب أن اضيف:

    أني لم أرسل رسالة MMS في حياتي. (لاني لا أقتنع بحجم صورة صغير ذو دقة رديئة).

    أني لم اقم باتصال مرئي واحد في حياتي. (مع اني في بريطانيا وكان جوالي سوني اريكسون كي ٨٠٠). أتمنى أن تستخدم هذه التقنية في بلادنا العربية من باب صلة الرحم وبر الوالدين !!

    أنني لا أنقل ملفات البلوتوث حتى قبل استعمالي للآيفون. (لمعرفتي مسبقاً بمحتوى تلك الملفات في مجتمعنا العربي المحافظ).

    أحب التواصل عبر البريد الالكتروني وارسل ما اريد ان يظهر علي شاشة الكمبيوتر بدقة عالية.

    أحب التعامل مع شركة تحترم المستهلك. (لذا أكره نوكيا اتي تصدر جوال كل ١٢ يوم بحجة أنه مطور … اقصد غير لون).

    أحب التميز والخروج من عقدة المجتمع (يقولوا في جدة “خدمي” …. لذا أكره الكامري). <— بدون زعل.

    كل ما احتاجه كمستخدم عربي مسلم موجود في الآيفون. (تعريب الرسائل + كتابة + برنامج قرآن كريم مع صوت القارئ + مواعيد الصلاة + برنامج أذكار + قاموس عربي).

    يكفيني أيضاً واجهة الاستخدام الاكثر من رائعة، و ثبات النظام . (رسالة لاصحاب البوكيت بي سي بنظام موبايل ويندوز: كم مرة تعيد تشغيل جهازك في الدقيقة؟ Soft Reset ).

    مع التحية

    صطيف

  14. اهليين ملياني

    والله موضوعك دا خللاني احس انو لازم اشتري Iphone ولا ترى بروح فيها

    احنا يوم نجي نشوف التقنيات اللي عندنا الواحد يقول مابغى اسبق عشان لا أورط يعني اتخيل تلاقيني احوس عشان استقبل mms ولا استقبل رسالة بلوتوث يعني صعبة اعلم الناس كللها كيف تستعملو مرره صعبه

    أنا معاك أنو iphone ثورة في عالم التقنية لكن حتى الآن يحتاج وقت الين ما يآخد وضعو أنا من الأخير مستني ينزل رسمي لشركة زين أو الاتصالات اي شي المهم ينزل رسمي وقتها تلاقيني أول واحد اشتريتو

    اشكرك اخوي محمد

  15. والله يامحمد أنو النوكيا ماعدت طيقو بسبب النصب اللي عما يعملو بلأجهزة .
    انا معي حاليا N73 ونزل بعدو بفترة بسييييطة N95 ومافي فرق إلا الكاميرا والوايرليس ..

    والله شيء بيجنن !! والفرق بالسعر بين لاسما والأرض .

    ولها السبب أنا حابب السوني أريكسون حالياً بس بتوقع إزا إشتريتو رح يصير معي نفس القصة !!
    لذلك من زماااااااااااان وأنا عما دور على جهاز يبقى معي فترة طويييييييييييييييلة . وشكلو مافي غير الآيفون والله

  16. مشكلة بعض الناس انه يحكم على اي شي من نقطة وحدة [ هو يشوفها ميزة ] !

    مثل كنت اقنع واحد بالألتيما الجديدة 🙂

    بطريقة ما كأنه يقول [ يكفيك ذما فيها ان ما فيها مفتاح “سلف” ] وهي اصلا ميييييزة يا عالم !!

Comments are closed.