فك علبة الـMacbook Air

طبعا رحت استلمت الشحنة ، مع تركي الشحيل .
وما اخفيكم وانا في الانتظار بانتظر الجهاز ، بدات اغلي خلاص مني قادر شفت كرتون صغير وصل . قلت يا الله لسه كرتوني ماجا !
المهم يناديني الرجال يقلي محمد ملياني ، اتفضل ، والا كرتون صغير .
المهم اخدت الكرتون وصلت السيارة . وكان المفاجئة ان الكرتون اصلا مرة كبير على علبة الجهاز !!!

macbookair1.jpg

فكيت واحصل علبة صغيرة مرة جوى الكرتون !
macbookair2.jpg

macbookair3.jpg

واخرج العلبة ، وافك العلبة ! واحصل الجهاز … طبعا كل العملية سارت في السيارة … ولا قدرت اصبر خلاص … وابشركم في السيارة قبل ما احرك فكيت الجهاز ولعبت وجربت وشفت وجربت الماوس والشاشة العنيفة ما شاء الله تبارك الله .
macbookair4.jpg
طبعا الذهول بالحجم الرائع ما شاء الله تبارك الله
macbookair5.jpg
macbookair6.jpg
macbookair7.jpg
macbookair9.jpg
macbookair10.jpg

طيب ماوصفتلكم شعوري !
اول مرة اشتريت الـPowerBook G4 وكانت بدايتي مع عالم الـMac كان اخويا يقلي انتبه لايتلخبط الجهاز مع ورق الكوتشينة ” الباصرة ” كان شعوري شعور رائع وغريب في نفس الوقت ولا يوصف .
مع الـMacbook Air حسيت بنفس الشعور مرة ثانية اني امتلكت جهاز محمول !

الحلو في الـMacbook Air التصميم ، التصميم قاتل ما شاء الله تبارك الله . والكيبورد الاسود يذكرني بالـG4 والـFinishing الموجود في الجهاز ما شاء الله تبارك الله ابداع .
الشاشة بدون مبالغة فيها تفاصيل لاول مرة اشوفها .

الان ما ابغى ادخل في العديد من التفاصيل في الجهاز ! لكن ساكتفي بالقول ان هذا الجهاز هو نقلة نوعية في عالم تصنيع الاجهزة المحمولة من الشاشة والتراك باد الجديدة الـMulti touch وصولا لادق ا لتفاصيل ، الجهاز حاز على 10 من 10 في التصميم من رائى .

السؤال التالي كيف سيكون اداء الجهاز ! او ماتقيمي لذلك !

ستكون الاجابة في موضوع لاحق 🙂

29 Replies to “فك علبة الـMacbook Air”

  1. مبرووووك الجهاز يا محمد والله انك من جد مجنون MaC عجزت لا تصبر لين توصل البيت وتفكه وفكيته بالسياره خخخخخ 😀

    وسؤال يطرح نفسه على حسب علمي أني قرأت في مجلة T3 ان الجهاز يتكون فقك من معالج + هارديسك صغير على ما اعتقد ان حجمه 60 قيقا <<< ماني متأكد المهم انه صغير

    ويقولون انه يجي معاه هارديسك لا سكلي هل ههل هالشيء صحيح او انك تشتريه 😀

    بصراحه انت تخليني أنتقل ألى الـMaC بقوه

    بس حالياً لين الحين أفكر 🙂

  2. الف مبروك يا محمد
    في انتظار تفاصيل اكثر عنه
    وايش نوع البروسيسر و HD ولا SSD
    كيف سرعته وكم المساحة المتبقيه بعد تنزيل برامجك وملفاتك عليه
    وكم مدة البطارية
    وكيف التعامل مع السيدي درايف عملي ولا لا؟؟

    في انتظارك اخوي والله يعطيك من خيره ان شاء الله 🙂

  3. ألف الف مبروك ..
    ماشاء الله جهاز رائع ..
    يابعدي اتمنى انك تضيفني على ايميلي ..
    ابغاك في شغله بخصوص الماك المكتبي ..
    الله لا يهينك ..

  4. مبروك ، ونسأل الله أن يبارك لك بالجهاز .

    التصميم كما قلت مبدع وإن شاء الله يكون الأداء مبدع أيضاً .

  5. ماشاء الله عليك عندك صبر

    لو انا مكانك والله افكة عند الرجال اللى ناداك وقالك محمد الملياني اول ماتستلمة فكة بنفس المكان >> الحريم ماعندهم صبر

    مبرووووووووووووووووووك الجهاز محمد

    يعطيك خير ويكفيك شرة ويرزقك باللى احسن منه دائما وابدا ..

  6. مليااااااااااااني بالمباررررررررررررررك
    منت المال ومنها العيال D:
    الله يسعدكم سوا يا رب
    ههههههههههههههههههه
    في انتظار التقييم
    🙂
    يالله متى ترزقنا بواحد مثله يااااااااااارب
    ؛)

  7. الــــــف الـــــف مبروك يا بطل .. الله يعطيك من خيره ويكافيك شرهـ يارب

    بس نبي رايك بأداء الجهـــاز بأسرع وقت ممكن .. افكر بشراءه لما يأصل للسعوديه

    تقبل تحياتي والف مبروك مره اخرى

    اخوك

    االحلــــــــــم

  8. مبروووك

    كأن الكيبورد يحتاج تعريب 🙂

    المهم ،، نبغى تعليقك على الأداء بالمقارنة ،، وكذلك الهارد ديسك هل هو عادي أو ذاكرة رام ؟

    تحياتي من جديد

  9. اهم شيء لا تنساء اداء الجهاز
    لاني سمعت انه بطئية نسبياً بسبب الهاردسك….

    ياريت تذكر هذا الشيء في تقيمك القادم

    وبالعافية اخوي محمد….

  10. مبرووووووووووووووووووووووك ألف مبروووووووووووووووووووك

    و بعدين يا خي اش الكلم دا

    أصبر الين ما تطلع البيت و ل ما في صبر
    ترني زيك اذا جاتني شحنه من ارامكس (كتب و خلفه) افكها في اقرب اشاره
    و تنقلب الدنيا لغوصه في السياره

    مبرووووك يا محمد و عقبالنا

  11. I just bought my Macbook Air last night from the University Bookstore and I can really identify with your feelings. The minute I went into the store after finding out that last night they got their first shipment I headed to a sales guy and told him that I wanted the Macbook Air, he goes inside and brings out a small box when I saw that box I literally said

    Ayshay Is that it?!?! Is that the Macbook Air

    He said yes and I couldn’t wait for the minute I got home to unbox it

  12. اوووووووه شكله تحفه بجد خصوصا حجمه مره شي

    جااااايتك يااااماك بس متى 🙁

    الله يعطيك خيره ويكفيك شره اخووووي 🙂

  13. لايق عليك لايق
    🙂

    كويس إنك جبته معاك الوم و تركتني أستكشف فيه .. 🙂

    مبروك يا محمد ..

    فعلاً .. يوم لا ينسى ..

Comments are closed.