iStyle Dubai – ونحن لانجيد الاحتفال

dsc_0084.jpg

dsc_0085.jpg

dsc_0088.jpg

dsc_0089.jpg

لازم نعترف انه عندنا مشكلة !

في جميع انحاء العالم ، المحلات تحتفل بالاعياد والمناسبات وخاصة الرئيسية منها ، وتنحط الزينة ، تخليك تشعر باهمية المناسبة وتشعرك انها موجودة !

عندنا هنا ، الحال مختلف تماما ! عندنا تحصل المحلات الي بتحتفل زينة غير مرتبة البتة ، ومالها اي صلة بالموضوع ، وفي نفس الوقت اعلان على قماش ، تعلن محلات …. عن تخفيض بمناسبة العيد ولا اي حاجة .
يجيك احساس ان المحل بيسرقك وهدفه انه يبيعك بس مش اي شي ثاني .

مايجيك الاحساس والشعور بالعيد او المناسبة ، زي لما تكون برى ، وتحصل ان كل المحلات حولك لبست نفس الرداء .

اتذكرت كلام الشيخ علي ابو الحسن ، في خطبة من الخطب .
معنى الكلام ، انه نحن شعب نحب الدراما ونحب تهويل الامور ، ونحب نزعل نفسنا بنفسنا ومانعرف كيف نحتفل .
وعن الاشعار الحزينة التي تظهر دائما ، وعيد ياي حال عدت ياعيد .
وعن كيف ان برى عندهم الاحتفال بالعيد شي رائع ومهم جدا .

اتمنى يوم اني احصل المحلات عندنا كلها بثيم حلو ، احتفال بالعيد ، ما بتكلم عن اعياد خارجية ، بتكلم عن عيد الاضحى وعيد الفطر ورمضان وبداية السنة الهجرية .
وعندنا اشياء ثانية كثير .

السؤال الان ، هل لما يفتح iStyle عندنا حيكون بنفس المستوى الي في الصور ، والحلول الي شايفها !
هل حيكون مثال جديد لطرق الاحتفال باعيدنا ، ما بقول اعياد برى عشان لا احصل هجوم !

حنشوف كيف الايام 😀


الصور من صديق عزيز جدا ، شكرا له

6 Replies to “iStyle Dubai – ونحن لانجيد الاحتفال”

  1. نعم، وللأسف 🙁
    عندنا مشكله في طرق الاحتفال باعيادنا، يمر العيد ويروح ولا كأن شي صار 🙁 🙁 :@

  2. @ سارة
    للاسف الغرب تفوقوا علينا في هذا المجال كثيييير ..

    حركة ،،، تابلت هدية … ماقيد سارت هنا ولايمكن انها تسير اتوقع

    من جد ،،، هنا الحد Shuffle غير كده مفيش …

    ان شاء الله يكون في تطور في الفترة القادمة …

    @fahad
    والله الاجابة على دا السؤال صعبة .. لكن الايام كفيلة بالاجابة …

    @lge
    من جد … اخر هم اغلب الناس الاحتفال باعيدانا … بالعكس يدوروا شي ينغص عليهم !

    @ayaneeq
    دا حتى في وجه الناس راح تلاقي الشيء هذا … ولا كانه عيد

    وهذا المفروض الي يسير …. نتذكر الماضي … لكن لا نضيع الحاضر …

  3. من جد مشكلة ..

    بالنسبة لكلام الشيخ من جد دا اللي ساير ..لو تفتح اي برنامج تهاني في قناة زي الرسالة وأقرأ في الاعياد حتلاقي زي هادي الاشعار مرة كثير ..
    وافتكر مرة الشيخ سلمان العودة نبه لدا الموضوع ..
    اي نعم نتذكر الماضي المجيد واخواننا النكوبين في كل مكان لكن في نفس الوقت الواحد يفرح عشان يقدر ينجز ويشتغل ..
    وبدون نفسية سوية ماراح يقدر يكمل الطريق …

    موضوع مهم اشكرك 🙂

  4. نقطة رائعة ملياني 🙂 اول مره اشوف احد يثيرها بالانترنت

    انا نادر اروح السوق اساسا فما بالك بالاعياد بس برضو! اتوقع انه شي مهم جدا

    وللاسف الان ناس كثير اكتشفهم اخر همهم العيد و لا يحتفلون فيه و يمبسطون

  5. الله يسمع منك….
    اتمنى اذا فتح iStyle… يصير زي مستوى دبي…
    بس سؤال، هل اذا فتح عندنا المحل، الوكاله راح تظبط وظعها ولا لا؟؟؟ …

  6. فعلا احنا عندنا افتقار في طرق اظهار اعيادنا و الاحتفال بيها …و مش عارفين انه ازا اجتهدنا شوية و عملنا عروض مظبوطة عشان العيد مسلا و تعبنا شوية حيطلع معانا شي رائع و حيخلي الناس يتحمسوا و يجوا يشتروا و حنكون بكده ضربنا عصفورين بحجر…عملنا طرق حلوة في اظهار اعيادنا و كمان كسبنا زباين جداد و روجنا لبضاعتنا

    افتكر صحبتي لما راحت دبي قبل شهرين تقريبا…شافت ماك بوك..معاه تابليت هدية

    انا افتكر لما اشتريت ماك بوك برو….كان اي بود شافل هو اللي هدية…بس بصراحة شفل ماني بحاجة لو لانه اولا عندي اي بود نانو….و سانيا لما تقارن شفل بالتابليت…معليه التابليت حيحمسني اشتري اكتر 🙂

    من جد موضوع مهم… و ابدا ما جا على بالي…بس هو حقيقة

Comments are closed.