خاصية الادخال المفقودة !

طيب الكثير انبسط ان هذه الميزة اتشالت ! من Leopard لكن انا والبعض مقهورين جدا وزعلان من Apple بل وحاقد !

اول كان في ميزة انك تحفظ في كل برنامج اعدادات اخر لغة كنت شغال عليها !
كيف يعني ! مثال !

مثلا انا في برنامج Text Wrangler وجالس اكتب Code PHP او HTML باللغة الانجليزية … وطلع عليا فجاة واحد في الـiChat وبديت اتكلم معاه بالعربي !

اول ما ارجع لبرنامج Text Wrangler راح احصل لغة الادخال انجليزي زي ما هيا ما تغيرت … ارجع للمحادثة ثاني احصلها بالعربي وهكذا مع كل البرامج …

طبعا كان ممكن ان هذه الخاصية تتنطفى يعني تشغلها وتطفيها زي ما تبغى سهلة الحكاية !

الان خلاص … سار نظام الادخال موحد في النظام كامل !يعني تحول عربي النظام كله عربي ، تحول انجليزي النظام كله انجليزي !

اش البلاهة دي !
خاصية متعود عليها 7 سنين ! تتشال !

المشكلة … اني اكتشفت ان في ناس كثير كانوا مقهورين منها ويقلك اش اللخبطة دي !

5 تعليقات

  1. Khalid Alsudairy
    أكتوبر 31, 2007 at 04:51

    تصدق انا ما كنت ادري ان هذي الميزه كانت موجوده زمان ..
    بس يالله احسن .. لو كنت استخدمها كثير كنت بكون مقهور.

    اصبر تحديث ينزل قريب . .لو ما حصلت تحديث اكيد بتحصل plug in لكن بعد فتره مو الان.

  2. Yasser
    أكتوبر 30, 2007 at 19:00

    اف اف اف اف

    لالالالالالالالالالالا

    هذي وحده من الميزات اللي مرة مهمة ليا

    خصوصاً مع تنوع الثقافات واللغات زي منت عارف

    الان حكتب بالعربي للإنجليز وبالإنجليزي للعرب وبالصيني للهنود

    من جد شي يخليني افكر في الليبورد من جديد

    على فكرة

    فين نسختي ؟

  3. أنمار
    أكتوبر 30, 2007 at 16:42

    والله عيب كدا
    من جد ما يجي
    تعتقد أي أحد ممكن يسوي حاجة أو برنامج يصلح المسألة؟

  4. يوسف رفه
    أكتوبر 30, 2007 at 15:15

    والله أنا مرة كانت تقهرني الحركة دي و ما كنت أعرف إنها ممكن تتشال، عشان كدا كنت دائما تشوفني ألخبط في الـ iChat

  5. desperado
    أكتوبر 30, 2007 at 14:04

    من جد يا محمد انا مرة انقهرت وصرت الخبط كثير وانا اكتب واتنقل بين البرامج

Comments are closed.

%d مدونون معجبون بهذه: