لماذا احب واعشق بريدي @ Mac !

في البداية اود التوضيح ان عشقي للـIMAP ولكن من اجمل من يطبق الـIMAP الـ.Mac …

وماعرفت قيمة الـ.Mac عن جد الا في سفرتي الاخيرة …

الان الي حاب يعرف اكثر عن الـIMAP

ليش احب بريدي @Mac

اول شي واول قاعدة … انا اكره ماعندي وازفت ماعندي واكثر حاجة ترفع الضغط عندي اني ادخل اي بريد الكتروني من خلال متصفح !
لانها قمة المهزلة وقمة التعاسة والكابة …

هذا الشي من ايام ماكنت على Windows والحمدلله اصلا اني ماجلست كتير على الوندوز لما دخل النت السعودية 🙂 …

اول نقطة اتكلم فيها :
برنامج Mail
البرنامج خالي التعقيدات تماما ونحن في الـMac من زمان في نعمة بيه … طبعا البرنامج بسيط جدا لكن فيه كل الي تحتاجه عشان الايميل تبعك … ولاتحتاج اكثر من كده …
وبعض انظمة التشغيل الاخرى استغنت عن الهبل القديم الي كانت تسويه وحطت برنامج بسيط وغيرت الاسم اقتداءا بالـMac ومش غريب عليهم .

بالنسبة لمستخدمي الـPC افضل بديل لهم thunderbird وبعض مستخدمي الـMac يفضلوا استخدامه لانهم تعودوا عليه .

بالنسبة ليا حياتي الايميلية مبنية على البرامج في الجوال مستخدم الـIMAP وفي الكمبيوتر مستخدم IMAP و POP3 حسب الايميل نفسه .

الي سار في مصر ان دخلت عن طريق الجوال لكن كنت اقرى الايميلات المهمة … لما تعطل الشاحن طبعا … ورحت يوم مقهى دخلت بريدي وكرهت حياتي … وبعد ما اتعدل الشاحن رجعت للنعيم مرة ثانية .

طبعا خلوني اقلكم ليش اشوف انها كارثة اني ادخل من متصفح على الايميل !

1- مع احترامي الشديد اغلب الشركات الي بتقدم ايميل … ماساة في الواجهة وتعقيد وتجلس تدور اش تضغط .
2- الـEncoding الترميز وفي ناس لسه عايشة على التخلف CP 1256 فشغلة لمايجيك بريد تقلب الصفحة ولما ترجع للـUTF-8 تقلب ثاني وحوسة ولخبطة .
وحدة من المشاكل الي سارت فيا جاتني رسالة CP 1256 ورديت عليها UTF-8 وخبصت الدنيا كلها والحمدلله وكانت رسالة مهمة .
3- الرد والارسال … ما شاء الله تبارك الله الكارثة الحقيقية او فوق الكارثة لما تكون من IE ويستهبل … او تكون عادي على FireFox او Safari وتسيرلك مشكلة في الانترنت ويقطع ولا يفصل … في كثير من المرات ترجع Back تلاقيها لكن احيانا في بعض الموقع …. انسى شي اسمه كلمة Back كل الي كتبته راح … وطبعا ما انسى العظيم والكبير IE والـCrash حقته واجلس بعدها اقشر بصل على الكلام الي كتبته .
4- التنطيم … هذه ماساة ثانية … بمعنى الكلمة مافي تنطيم .
5- التطفيش لما يجيك مرفق .
6- اوه الفلة عاد في دعم الـHTML وفي كثير من المرات تشوف هولقريفيات .
7- الـJUNK mail … دا فلم ثاني .
8- يجيك ايميل فوق ايميل … اوه دي عاد فلة … هده تسير معايا في كل الـWeb Based مادري كيف ايميل جديد اترمي في اخر صفحة … لوحده كده يروح سبحان الله كيف ماتدري .
9- لما تجي تحط مرفقات … دي عاد فلم ثاني والله ابغى ارسل ملف … طير ….
10- البطىء مع كل حركة اجي اسويها لازم اتعرض لفلم مع حطة صح او شيلتها فلم لازم تنتظر .

طيب الان السؤال ليش احب ايميلي @ mac .com
وماعندي مشكلة اني ادخله من خلاص متصفح !

السبب واجهة الايميل في المتصفح … هيا نفسها واجهة برنامج Mail على الـMac بنفس الخصائص والمميزات والحلو في الموضوع التوافقية التامة مع Mail في الـMac فاحس اني ما خرجت من بيتي ابدا .
لكن برضه تظل بعض المشاكل موجودة وما احب اني اروح لهدا الحل ….

انا عارف محبي Gmail حيزعلو عليا 🙂

بالنسبة للايميلات الي عندي
عندي @ Yahoo
ولا افكر ادخل عليه … ويمكن الي يخليني بين فترة وفترة ادخل انه حسابي لايتلغي عندهم …
بريدي @ Msn
قمة القرف في الواجهة والتعامل وكل شي
وبدخل عشان لايتلغي حسابي … وقريبا جدا بفكر الغيه خلاص
بريدي @ Gmail
انظف الي سبق لكن تظل جميع المشاكل موجودة بيه
@ MiLyAni @ OS X Arabia @ Books @ ….
دايما عن طريق IMAP or POP3
ولا افكر عن طريق المتصفح

اخيرا الـ @ Mac
احلى بريد
في تطبيق الـIMAP ورغم الواجهة الحلوة في الـWeb الا اني افضل استخدمه من خلال Mail …

3 Replies to “لماذا احب واعشق بريدي @ Mac !”

  1. مشكلة الترميز موجودة في الـGmail ايضا … وسارت معايا …
    صدقني انت ما اشتغلت على برنامج Mail عشان تعرف انا بتكلم عن اش … نظام البحث … فمعروف الـMac بالـSpotlight
    الـSpam انا متضرر منه جدا في الـGmail زيه زي البقية …
    الفلترة والتصنيف صدقني كمان ماجربت Mail مع الـ.mac …

    انا بتلكم بموضوعية … على فكرة بريدي في Gmail حاطه على برنامج Mail …

  2. لاه لاه, هيك ظلمت الجي ميل, كتير, شلون نفس المشاكل, الترميز ما فيو مشكلة نهائياً, أسلوب عرض المرفقات ولا أروع, ولا أسرع, ونظام ضغط المرفق قبل تحميله رائع جداً, نظام ترتيب المحادثات, أتحدى تلاقي بريد يقدر ينظم المحادثات ببراعة غوغل, طريقة تصفحة عن طريق ثندربير, جداً متوافقة في حال أردت تصفحه عن طريق برنامج, نظام الحفظ التلقائي, الارتباط مع الروزنامة, مكافحة الرسائل العشوائية المرعبة, أنظمة الفلترة والتصنيف الأكثر من سهلة ولأكثر من رائعة, واخيراً أقوى نظام بحث متطور ومرعب…عنجد انت هيك ظلمت جي ميل, ما معك حق أبداً, خليك شوي موضوعي…

Comments are closed.